آشیق کاماندار
یاخشی چالیش اینسانلارا چاتماغا ،
جهد ائله کی ، صنعتکارا چاتماغا ،
آرزون وارسا « کاماندارا » چاتماغا ،
اوستاد سؤزون عاریف سایماغی ائشیت ،
آشیق کاماندار
اوستاد آشیق1929-جی ایلده بورچالی نین- ایندیکی مارنئولی(Marneuli) رایونونون کپنکچی کندینده آنادان اولموشدور. بورچالیدا آشیق صنعتی نین الچاتماز زیروه یه چاتان واختی بالاجا کاماندار آرتیق آلگئت و کور چایی نین شیریلتیسیندان تئللی سازین آهنگینی یاواش- یاواش آییرماغا باشلادی. بیر مودتدن سونرا کاماندار اوستاد آشیقلاردان صادیق، محمد شیخلی، خان امراه و باشقالارین. تکیدی سایه سینده آشیق-اوزان صنعتی نین سیرلرینه داخیل اولماغا داها بیر اوغورلو آددیم آتیر.
عؤمرونون ائرکن یاشلاریندان ساز چالیب، اوخوماغا حدسیز ماراق گؤسترن کاماندار حمید اوغلو موسکوا (1959) گؤروشلری نین فعال ایشتیراکچیسی، باکییا (1984) آذربایجان آشیقلاری نین اوچ اینجی قورولتایی نین بورچالیدان ائلچیسی اولموشدور.
کاماندار افندی نین ماهیرلیگی اوندادیر کی، او، همیشه یورولمادان اؤز اوزرینده ایشله میش، آشیق صنعتی نین ان اینجه ساحه لرینده یارادیجی بیر " تدقیقاتچی " کیمی یوللار آختارمیشدیر. بؤیوک زحمتدن سونرا کاماندار حمید اوغلو اوزان-آشیق صنعتینده یارادیجی آشیق- شاعیر کیمی پوختلشمه یه باشلادی. اونون دیللر ازبری اولان قوشما و گرایلیلاری، دیوانی و تجنیسلری و موخممسلری قالاق- قالاقدیر. عصریمیزین 70-جی ایللریندن باشلایاراق، آشیق کاماندارین بو قوشما و تجنیسلری گورجوستان رادیوسو ایله یاناشی، آذربایجان رادیو و تئلئویزییا وئریلیشلرینده ده سسلنمه یه باشلادی. اونون شان- شؤهرتی نین جوغرافی میقیاسی گونو-گوندن گئنیشلندی.
گئتمک ایسته ییرسن بهانه سیز گئت